Avajo Pan Kadi Dekhay To? (Collection of Poems)
Gunjan Gandhi
નવી પેઢીરૂપે જ્યારે જ્યારે શૂન્યાવકાશ દેખાયો, જ્યારે જ્યારે ગઝલની સાદડી જલદી જ સંકેલાઈ જશે એવું લાગ્યું, ત્યારે ત્યારે ગુંજન ગાંધી જેવા નવા કવિઓ કંઈ આવું લખી લાવ્યા,
હાથ જો છોડી શકો ને તો જ આગળ જઈ શકો
આ સમયનો સાથ આપી કેટલા ભટકી ગયા.
નવા કવિ જ્યારે જ્યારે આવું લખી લાવે છે ત્યારે પેલી ગઝલનું નામ લખી વાળવાની વાત વીસ વરસ પાછળ ઠેલાઈ જાય છે.
- રઈશ મનીઆર
કોઈ પણ ગઝલનાં મત્લામાં રદિફ-કાફિયા ઈન્કમ-ટેક્ષ ઓફિસરની જેમ કવિ પાસે રહેલા એક નંબર અને બે નંબરના કવિત્વનો હિસાબ
ચકાસતા હોય છે. એ ચકાસણીમાં ગુંજનભાઈ પ્રમાણિક સાબિત થાય છે.
- ભાવેશ ભટ્ટ
ભાઈ ગુંજનની ગઝલો સરળ બાનીમાં છે, પણ સરળ નથી. પહેલા મિસરાથી બીજા મિસરા સુધીમાં તેઓ જોજનો દૂરનું વૈચારિક અંતર કાપીને ભાવકમનને સુખદ આંચકો આપે છે.
- અશોક ચાવડા 'બેદિલ'
ભાવ/ભાષાનો તાજગીભર્યો ઉપક્રમ
- સંજુ વાળા
ગાંધીનું ગુંજન વિશ્વમાં અમર છે. ગુંજન ગાંધી નવી ગઝલની શાહીસફર છે.
- અંકિત ત્રિવેદી
ગુંજનની ગઝલો ગુજરાતી ગગનમાં ગૂંજે એવી અભ્યર્થના
-ચિનુ મોદી
|