Agamya Vidya (Lolakvidya Dowsing In Gujarati) (Lolakvidhya)
ડાઉસિંગ -ડિવાઇનિંગ
ધરતીના પેટાળમાં છુપાયેલી વસ્તુઓને શોધી કાઢવાની ચૈતસિક શક્તિ
મનુષ્ય મસ્તિષ્ક રહસ્યમય શક્તિઓનો અખૂટ ભંડાર છે. પૃથ્વીના પેટાળમાં રહેલા પાણીને ચૈતસિક શક્તિથી શોધી કાઢવાની કળાને 'ડાઉસિંગ' કે 'ડિવાઇનિંગ' તરીકે ઓળખવામાં આવે છે. આપણે ત્યાં આવી શક્તિ ધરાવનારને 'પાણી કળા' તરીકે ઓળખવામાં આવે છે. વિદેશમાં એમને 'ડાઉસર' કે 'ડિવાઈનર' કહેવામાં આવે છે. આવી શક્તિ ધરાવનારા માત્ર પાણી જ નહીં પણ જમીન કે સમુદ્રના પેટાળમાં રહેલી કોઇપણ વસ્તુને શોધી કાઢવા સમર્થ હોય છે. આ માટે તે લોકો ઝાડની ચિપિયા આકારની ડાળી (ફોર્કડ બ્રાન્ચ), સૂકા મેવાના ઝાડવાની ડાળી (હેઝલ ટિવગ), લાકડાનો દંડ કે પેન્ડુલમ જેવા સાધનોનો ઉપયોગ કહે છે. આમાં સાધનનું ખાસ કોઈ મહત્વ નથી તે તો માત્ર 'ડાઉસર'ના મનને ધરતી કે સમુદ્રના પેટાળમાં પડેલી વસ્તુ સાથે 'ટયુન' કરવા એક વચલા માધ્યમનું કામ કરે છે.