સંકલ્પનું સુકાન - શૈલેષ સગપરિયા Sankalp nu Sukan by Shailesh Sagpariya જીવનના મહાસાગરના ઝંઝાવાતોને પર કરી મંઝીલે પહોચવાનો જોમ અને જુસ્સો પૂરી પડે તેવી ૧૦૧ બોધકથાઓનો અનોખો સંગ્રહ શૈલેષ સગપરિયાના પ્રથમ બેલ્ટસેલર પુસ્તક ‘પ્રેરણાની’ પતવારની’ જેમ આં પુસ્તક પણ અનેક રીતે અનોખું છે. અહીં સમાયેલી મોટાભાગની બોધકથાઓ આપને અજાણી લાગશે કેમકે મોટાભાગની બોધકથાઓ ક્યાંક વાંચેલી કે ક્યાંક સાંભળેલી નથી પરંતુ લેખકે પુસ્તકો, મેગેઝિન, પોતાના જીવનના અનુભવો, મહાપુરુષોના જીવનના અભ્યાસ, વગેરે પરથી તૈયાર કરેલી છે. અહીં આપને જાણીતા નામોની પ્રેરણાત્મક બોધકથાઓ ઉપરાંત કેટલાંક અજાણ્યા નામોએ સંકલ્પના સહારે મેળવેલી સિદ્ધિઓની ઝલક પણ મળશે. આ કથાઓનું પ્રસ્તુતીકરણ પણ એકદમ સરળ અને રસાળ છે જે કોઈપણ વય અને વર્ગના વાંચકને અચૂક પસંદ પડશે. પુસ્તકના પાને શબ્દોના સથવારે હિરા-મોતી જડી શકાય ? જો આ બાબતમાં શંકા હોય તો આં પુસ્તકોના પાનાં ઉથલાવો. દરેક કથાના અંતે ભારત જ નહીં પણ જગતના પ્રાચીન વારસા સમી સંસ્કૃતના સુભાષિતો રૂપી હિરા-મોતી આપને પુસ્તકમાં વિખરાયેલા જોવા મળશે.